Tuesday, 17 May 2016

Chennai Marasaw hry tawta class 12th a exam pa zy first liata ama passed khai
Chennai:- Atano tari noh 17th pato 2016 liata Tamil Nadu State Board Class 12th results papuapa châ ta , cha liata Marasaw a eza pa pathô hnei hra pita,Cha zy cha:
Science
1.Johny Nohro S/o N Vabeiraha,College Vaih 
2.Lalramenkawla S/o Rev.Thylua Hlychho,Council Vaih
Commerce
1.KT George Beipakhai S/o KT Vahia, Tisôpi 

Ama zydua ta First liata ama pass hleikhôta Subject 2/3 liata Letter mark ama hmô khai tahpa bie dao pita eima ly ngai ta kaw. Khazopa hmotao theipata chhitha lymâ ei sala ama hmia liata a chu awpa hlupi a ypa zy chhao atano hawta apalâ kawpata ama hmiachhy thei lymâ nawpata khokheina hlâ pita, chahleikhôta a passed pa nah chhôkha zy chhao nama saw nahzy ama hlaotlona liata khokheina asâ chaipa eima cha hlâ hra ei.

Sd/-
Social Media Administration Department
Mara Christian Fellowship
Chennai; Tami Nadu

Tuesday, 29 March 2016

Kô 2016 Rônah kawpata Zisu Zerusale angiana noh, Khaipâna noh nata Thyuhei noh zy palâ kawpata ahmâ.

Chennai:- Khazopa ngiachhiena vâta atakô 2016, Zisu Zerusale angiana noh(Palm Sunday),Khaipâna noh(Good Friday) nata Thyuheino(Easter Sunday) zy cha palâkawpata ahmâ patlôpa achâ haw. He noh peimawhpa hleikhô heta Lyuva Khutla pachhypata Pamih thlah zydua liata hâta a ypa mai he Mara Culture Week ta phuapa châta, he liata phopo asai khai awpa tahpa châta, ahneileipa zyta,po asai awpata ahawna taopa achâ. Eima laisa nah zyta eima hawna zy vaw papitlosa eita aly achhi ngaita, chapaw lâ chhao reingia kawpata eima a hawna zy hlao mania patlo thei eita, Mara Culture Week nata eima Krizypa nopeimawhpa eima hmâpa zy arônah hmeisei.

1.Zisu Zerusale angiana noh(i.e.,20/03/2016,Palm Sunday) liana heta St.FC Vabeitlôchai,Treasurer MCF,Chennai ta eima daiti mania chhithata,Biehrai reina nata Pathaona thlachhâna he St.K Sâhmô,Information Secy MSO Chennai ta daiti ahmâ. St.H Beikhosa nata St.ST Laldinthara Lakher zy abaopasupata Abeipa reithana hla ama sahpa hnathliepa châta. He khaitawta eima bietana reitupa St. N Beibyhnalai, Outgoing Student ta Khazopa bie pha kawpa mania areipa. Biereitupa daiti ahmâ khai tawna heta Abeipa lâta hmosaipiena lahpakhyna daiti hneipa châta he liata Ls.Vanlalengruali Solo ta sôkheina hneita,St.Jesse T Beirahlo ta Abeipa lâta eima hmosai piepa zy hlâna ahnei. He khai tawta hla sakha sapa châta Bei thlachhâna ta eima daiti zy eima pachha haw.
2.Khaipana noh (i.e.,25/03/2016)

Eima moleina zy vata Zisu Krista athina noh ronah kawpa Khaipâna noh(Good Friday) chhao târi noh 25/03/2016 lia ta apakhyna daiti ta ahma heipa châta, he liata St.MC Beichônôchai,President MSO Chennai ta eima daiti chhitha ta,Ls.B Chiahluisung ta Biehrai reina nata Abeipa lâ apavaosana daiti mia ahneipa, he khai tawta St.FC Vabeitlôchai ta Zawpi Biehrai reiparaona mania hneikheita, St.H Beikhosa tawta mopakha reithaina hla sapa nahthliepa châ heita; he khai nata eima bietanareitupa St.ST Laldinthara Lakher,Chairman MCF Chennai ta “Thina cha pahniena achâ” Zawhana 16:33 atlychakah pata Abeipa biepathaipa pakawhna hneita, Zisu Krista thina cha thina nata eima moleina pahnietupa achâ tahta atlâ pakyhna ta atao. He khai tawta sôkheina hneipa châta, Ls. T Chhingkungi ta sôh mania kheipa ta, Ls.Naki Siakhai ta Abeipa lâta eima sôh zy byhnâ awhna mania ahneipa hra. Khaipâna noh he Chennai Mara saw zy châta a eikha eima hmâna châta he liata chysa 53 tlaita apakhyna su eima pangai thei, he liata khichhai 12 ta mania ama hlao thei hra.
3.Thyuhei noh (i.e.,27/03/2016)

Thyuheina noh(Easter Sunday) cha rôna kawpata ahmâpa châ heita, he liata Ls.Vâthiengia Nôtlia,Adviser MCF Chennai ta “Krista thyuheina vâta  molei ngiathaipa eima châ” 1 Kawrini Mozy 15:17 hmâpata Abeipa bie pha kawpa mania reipata.
Bietanareitupa Ls.Vâthiengia Nôtlia
He noh liata St.HC Beikhochai,Gen.Secretary,MSO Chennai ta eima daiti mania achhitha.
Dyupaw:-St.HC Beikhochai
Mopakha hlasana Ls.Bethel Chozah nata Chhivaw J Monica Laldinpuii zy tawta reithaina hla phakawpa zy hnathliepa châta.
Ls.Bethel Chozah
Chhivaw J Monica Laldinpuii
St.H Beikhosa,Secretary MCF Chennai ta Alyna biereina daiti ahma ta.
St.H Beikhosâ,Secy MCF Chennai
Abeipa lâta hmosaipiena daiti liata Ls.Vanlalengruali Solo ta sôh mania kheipata, Ls.Jenevi Khithieta Abeipa lâ eima sôh zy pavaosana ahnei.
Sôhlâtupa:Ls.Jenevi Khithie & Ls.Vanlalengruali Solo

He khai tawta “Immanuel Thari tawta” tahpa hla cha sahpata Abei thlachhâ reiparao pata eima daiti zy ahmâ khai hapa achâ. He noh liana heta Easter Special Refreshment taopa châta, Chepauk Marasaw zyta Easter Egg angia kawpata avaw chhuano eita, St.M Lalhmuchhuaka ta Easter Cake mania achaleipa hra.
Easter Egg

Special Easter Egg

Special Easter Egg
Eima Beipa Zisu thyuheina noh liata eima biephuapa zy zypha kaw saipa châta,eima laisa nahzy chhao poh asaipa saita Pamih thlahpa chhô zydua avaw pakhy ty eita motha dah achhi ngaita.

Ary liata nothla hlu via slideshow ta sopa acha.

Wednesday, 17 February 2016

2016 FAREWELL CUM GENERAL ELECTION EI-16NA

Chennai:-Kô tota eima vaw hmâ typa Farewell-cum-General Election cha târi noh 13/02/2016 chutyno liana khata palâkawpata ahma khai hapa achâ.

AHMANA SU:- HOTEL PRIYADHARSHIHI PARK
ADAITI:- 13th Hmypi 2016 @1300-1900hrs
KHICHHAI ZACHHIPA:- Ls. HC Idah Pawngia,Adviser MSO Chennai.


>>Sai pazâtuana<<
Kôtota Farewell he siku hawti achuna apatlô awpazy pathliena daiti châta nata Mara Students Organisation, Chennnai nata Mara Christian Fellowship,chennai
Chhithatupa atlyna zyta ahmâ typa achâ. Ngiatlâ achâ viapa thokha nata hmo peimawh viapa saipazâ tua sila:
1.Kôtota eima daiti zy asierie via lymata. Atakô liata apathliena su(A/C hall) phakawpa hmâ theipa châta,poparaipa(Banners) a Mara kawpata taopa achâpa kha Zawpizy mo tha apada ngiatakaw.
2.Chennai Mara Laisa Zyduata Hnokaw tlyma hnorâ tlyma a vaw sai khai eita, Satlia nahzy chhao za achhi kawpata amâ vy chyu, ahy hmata paripaleipata buana taopa hmô awpa yvei ei.
3.Kô khahrota ama tao ngai leipa Badges zy taopa châta, daiti apangiasa hleikhô ta MSO chhithatupa zy ama piepasa zie alâ pasia ngai takaw.
4.Hlichhy nata Hly-â lâ nata Skid show kô khahrota mo awpa a y ngai leipa, atakô liata hâ vaw pasua tua eita, zawpi aly ama hlao hleikhôta lôtlâ achhi ngaitakaw
5.Atakô Farewell he kô kha hro hlâta Mara pachai ta he liata, Vytuhla zy nata 90's rachhô liata Mara hla apuapa zy sai nathliepa acha, chahleikhô ta Biereina mai liata
Tlôsai,Hawthai,Chapi,Vytu,nata Zyhno reih zyta biehmia(salutation) tao lymapa châta. Eima daiti apa Marasa hmeisei.
5.Zawpi ahy rai items typa châ eita, ahy hmata item ama typa liata abyupa(hlaopatlo leipa) y vei ei.
6.Sound N Music pha kawta, Daiti chhainona mania achhithatupa eima Compere's nahzy hrata apahnie pahnâ eita, Mara reih nata English reih ta pahlao pata daiti mania chhitha eita phohropa zy chata ypahâ na khi tlai apha.
7.St.Felix Beidaosa Phuto nata St. ST Laldinthara Lakher Gen.Secretary MSO nata Secretary MCF,Chennai zy tawta kô 2015-16 chhô liata ama hmalana nata siena zy aki kawpata hnathliepa acha.
8.Kô 2015-16 chhô liata Marasaw hryliata alalua chaipa lymâ, St.S Beihroly hnota hlapa chata he lyma he ko khahrota tao beileipa a châ.
9.Kô 2015-16 chhôta Apakhy tiama chaipa lymâ he Ls.Cheryl Vathasuii, St S Sipha nata Zirthamawia zy hnota hlâpa ama châ.
10.Election zy chhao palâkawpata hneipa a chata ary liata atlyna chôcha sia viapata palasapa achâ.

>>Daiti chhaikhana<<
He daiti lia heta St.VH Beikhochhua,President MSO Branch Chennai ta daiti chhithata, Abeipa lâta eima daiti zy pavaosana hnei awpata St.HC Beikhochai,Secy i/c Game & Sport,



MSO Chennai cha hruapa châta, Biehrai reina nata thlahchhâna ta daiti ahmâ khaitawta, St.Obadia Notlia,Vice President MSO Chennai ta khichhai alypangiana daiti âhmâ.

He khaitawta eima khichhai zachhipa zana daiti chyupa hmâpa châta he liata MSO Chennai ta khichhai zachhipa pawpi nata hmosai piena ama hnei. Ls.C Bethel ta khichhai zachhipa hmosai piena a y khai tawta ao ngiakawpata zawpi hla ta zawpizy palopahawta.


He khai tawta eima khichhai zachhipa Ls.Idah Pawngia, Adviser MSO Chennai biereina piepa chata, he liata Chennai marasawzy lôraona liata khâ y awpa nata achuna liata hlaotlona hnei cheingei awpata ngâchhina hnei awpata pasyuna bie rei ta, abierei khai tawta Siku hawti achuna patlô awpazy "Ryuchâ" hlâna daiti ta pazaopa achâ, he liata Ls.Idah Pawngia, St.Hezekiah Hlychho,Adviser MSO Chennai nata St.Hickson M Beihropahnie,Ex-Gen Secy,MSO Chennai zy ta Ryuchâ raina ama hnei.












Ryuchâ raina khai tawta MSO & MCF Annual Report hnathliepa châta, Marasaw liata apakhy tiama chaipa lymâ nata Chennai Marasaw hry liata alâlua chaipa lymâ zy chhao raipa châta, he liata St.RV Bohia,Ex-Chairman MCF Chennai nata St.Japhetha Syuhlo,Outgoing Chairman,MCF Chennai zyta he lymâ he mania ama raina ama raipa hra.






Kô 2015-16 chhô liata Apakhy tiama chaipa lymâ he Ls.Cheryl Vanthasuii,St.S Sipha nata St.Zirthanmawia zy hnota hlâpa châ eita, Chennai Mara saw hry liata alâlua chaipa lyma he St.Beihroly hnota hlâpa achâ hra.
Daiti chhaikhana pachha nawpata "Eima tyheina tai Khazopa" KHB 245 cha lôlie achhi kawpata eima zydua ta saparao pata he hla eima sa khai tawta St.HC Beikhochai ta thlahchhâna ta eima daiti eikhana mania apachhâpa.



Daiti chhaikhana chhâ khai tawta thopi dopa chata daiti rei leipa liata apalypa-uasana daiti athaopa acha.

>>Daiti Chhainona<<<


Eima ngiatia lei kawpa nata eima hâdy kawpa Farewell apalypauasana daiti cha thlaita athaopa châta he liata Ls.J Monica Laldinpuii nata St.MC Beichônôchai zyta apahnie kawpata daiti mania ama chhitha
Eima daiti zy pathao nawpata MSO Chhithatupa nahzy ta angia kawpata Hlichhy & Hly-â lâ pamosa eita, he khai tawta St. FC Vabeitlochai, St. Lalthanliana nata Tambaram Marasaw zy tawta mopakha hlasana nahthliepa châta zawpi aly ama hlao ngaitakaw.














Apalypauasana daiti ahmâpazao lymâpa châta he liata request taopa hawta programme hlao patlo lymâ pa acha. Daiti vâropi apalypauasana ta hmâpa achâ khai tawta kô 2016-17 chhota MSO &MCF Chhithatu thiepa atlyna hneipa châta he liata St.Jephatha Syuhlo,Outgoing Chairman MCF cha Returning Officer châpata atlyna he sie kheita,


Election Minute recorder he St.Felix Beidaosa Phuto acha. MSO nata MCF Chennai chhithatu thiepa atly thiepa zy cha he ary liata palâsapa zy he ama châ.

2016-17 Mara Students Organisation,Chennai Leader's:-

1.St.MC Beichonochai
President
2.St.K Hraki
Vice President
3.St. S Beihroly
General Secretary
4.St.HC Beikhochai
Asst General Secretary
5.Ls.Mary M Lalramnuni
Finance Secretary
6.Ls.J Monica Laldinpuii
Treasurer

7.Secretaries:-
1.i/c Information:- St.K Sâhmô
2.i/c Games & Sport:- St.M Lalthanliana
3.i/c Art & Culture:- Ls.B Chiahluisung

2016-17 Mara Christian Fellowship,Chennai Chhithatupazy

1.St. ST Laldinthara Lakher
Chairman
2.St.H Beikhosa
Secretary
3.St.S Sipha
Assistant Secretary
4.Ls.Evangeline Hlychho
Finance Secretary
5.St.FC Vabeitlochai
Treasurer

Atlyna hnei khaitawta St.Chohretha Chhachhai ta thlachhana ta eima daiti zydua khawna mania hneipa ta Biryani paha kawpa nie chyu pata eima daiti zy eima pachha haw.

Alyna bie:
1. Chennai marasaw he nohta avaw puapa zyua nama cho liata acha hmeisei pita, nama yleipata eima daiti zy hlao tlo theileipata nama deichhyna vata nama chio liata eima cha ly ngai ta.
2. Chhithatupa nah zydua mania nama hria paraona liata eima cha ly kaw hra.
3. Banners angia kawpa hneithei awpa idea vaw thyutupa nata eima daiti zydua liata pachâna phakawpa nata thiehlakawpa zy, skid show nata badges taita eima hnei thei nawpata pachana avaw thyutupa Ls.Bethel Chozah cho liata aly hmeisei pita. hmiala liata he hlata mania deichhy pha via lyma  heisala tahpa chhao eima kho ngaitakaw
4. Farewell nota receptionists nahzydua hnota chhao alyna bie rei khopita namo vata daiti huhie kawpa liata asie theipa eima chatapa eima za pahno nata chhithatupa zy hmia mania pakai eichita, namo hawpa laisa siapa chennai marasawta eima chahneipa ei he eima cha palai khei kaw ei.
5. Items hlao patlotupa zydua hnota nata eima khichhai zachhipa Ls.Idah Pawngia cho liata alyna bie reitia lei cha hnei ei pita. Eima programme ahlao tlona kha namo vâ deina acha ta leithei mapi.
6. Outgoing students avaw hlaopa zydua nama hnota aly hmeisei pita, hmiala nama sie nawpa liata chhao khokheina eima cha hlâ hra ei.
7. Achhachaina liata baona mania avaw pietupa nahzydua nata thana za ta mania abaotupa zydua hno ta eima lyna he pai bei aw vei.

Ary liata nothla hluvia slideshow ta sopa achâ:-

 
Credits: Free WordPress Themes | Bloggerized using Lasantha - Premium Blogger Themes | Car Price in India